Mínir verkþættir
Flipinn Mínir verkþættir sýnir verkþættina þína sem spjöld með stöðu, merkimiðum, verkefni og auðkenni. Leitarreiturinn efst leitar eftir verkþáttanúmeri eða heiti verkþáttar.
Leitin skilar niðurstöðum um leið og þú skrifar, hér er leitað að verkþáttanúmerinu LLS:
Leitin er í hverju svæði fyrir sig: í Mínum verkþáttum leitarðu að verkþáttum, í Viðskiptavinum að viðskiptavinum og í Verkefnum að verkefnum.
Verkþáttarsíðan
Smelltu á verkþátt til að opna hann:
- Hefja verkþátt: græni hnappurinn ræsir tímaskráningu á verkþáttinn.
- Bæta við vöru: skráðu efni og vörur á verkið, eins og á vefnum.
- Sjá nánar: örin efst felur og sýnir upplýsingalínurnar, þar á meðal Úthlutað til (ábyrgðaraðili) og Tíma eytt (samtals skráður tími).
- Viðhengi: myndir og skjöl sem fylgja verkþættinum; smelltu til að skoða.
- Neðst: Bæta við tíma (handvirk skráning), Aðgerðir og Merkimiðar.
Bæta við tíma
Bæta við tíma skráir tíma á verkþáttinn eftir á. Efst er röð flýtihnappa, 15 mín., 30 mín., 45 mín., 1 klst. og áfram; strjúktu röðinni til hliðar og hún nær upp í 8 klst. Einn smellur fyllir tímabilið, en þú getur líka slegið inn Byrja og Stoppa handvirkt. Athugaðu að verklýsing þarf að fylgja færslunni, án lágmarkstexta í reitnum vistast hún ekki.
Aðgerðir: breyta eða loka verkþætti
Hnappurinn Aðgerðir opnar spjald með tveimur leiðum: Breyta verkþátt og Verkþátt lokið, sem lokar verkinu beint.
Á breytingaskjánum breytirðu heiti, verkefni, starfsmanni og verklýsingu, kveikir eða slekkur á Reikningshæft og hleður inn mynd með Bæta við mynd. Þar má líka opna lokaðan verkþátt aftur.
Merkimiðar
Merkimiðar opnar spjaldið Veldu merkimiða til að bæta við. Merkimiðar gera verkin finnanlegri: þú síar lista eftir þeim, sérð í fljótu bragði hvað bíður og flokkar skýrslur. Þeir virka best fáir og skýrir, við mælum með að fyrirtækið haldi sig við tíu merkimiða eða færri í heildina. Nánar í Merkimiðar.
Athugasemdir
Neðar á verkþáttarsíðunni er athugasemdaþráðurinn, sami þráður og á vefnum. Þú getur svarað athugasemdum beint í appinu:
Myndavélartáknið við innsláttarreitinn setur mynd í athugasemdina, t.d. af stöðu verksins:
Skrifaðu @ og nafn til að merkja samstarfsfélaga; viðkomandi fær þá tilkynningu í símann sinn. Þrípunktarnir á athugasemd opna Breyta athugasemd og Eyða athugasemd, en aðeins á þínum eigin athugasemdum, athugasemdum annarra getur enginn breytt.
