Hópar
Undir Stillingar → Hópar býrðu til notendahópa (teymi) og stjórnar heimildum.
- Smelltu á + Búa til nýjan hóp.
- Gefðu hópnum nafn (t.d. „Rafvirkjar") og veldu starfsmennina í hann.
- Eyða fjarlægir hóp.
Hver hópur fær sinn lit sem auðkennir hann í kerfinu. Eigandi eða verkefnastjóri getur breytt lit hópsins.
Hópa má velja í úthlutun verkþátta, þá fær allt teymið verkþáttinn í einu. Kosturinn kemur vel í ljós við mannabreytingar: nóg er að setja nýjan starfsmann í hópinn og hann fær sama aðgang og hinir.
Sniðmát
Undir Stillingar → Sniðmát býrðu til verkefnasniðmát, tilbúna uppbyggingu verkefna með fyrirfram skilgreindum verkþáttum:
- Smelltu á + Búa til nýtt sniðmát og gefðu því nafn.
- Smelltu á Bæta við verkþáttum. Sniðmátið opnast þá eins og venjulegt verkefni og þú stofnar verkþættina með + Stofna verkþátt.
- Eyða sniðmáti fjarlægir sniðmát sem er ekki lengur í notkun.
Sniðmát spara tíma þegar sams konar verkefni eru stofnuð aftur og aftur, t.d. staðlað viðhaldsverkefni eða vefsíðugerð með sömu verkþáttunum.