TimeEd tengist helstu bókhaldskerfum á Íslandi: Payday, DK, Uniconta, H-Laun (H3 laun) og Reglu. Með tengingu sparast tvískráning: viðskiptavinaskráin og vörulistinn haldast samstillt, og reikningar fara beint úr TimeEd yfir í bókhaldskerfið. Kerfið tryggir jafnframt að unnar klukkustundir séu aldrei reikningsfærðar tvisvar.
Payday: þú býrð til API-lykil sjálf(ur)
Payday-notendur geta sett tenginguna upp án aðstoðar:
- Skráðu þig inn á Payday.is og farðu í Stillingar í vinstri hliðarvalmynd.
- Veldu Fyrirtæki og síðan flipann Samþættingar.
- Smelltu á + Bæta við til að búa til nýjan lykil.
- Veldu PaydayAPI sem tegund tengingar.
- Gefðu lyklinum nafn, t.d. TimeEd, og afritaðu ClientID og ClientSecret.
- Sendu ClientID og ClientSecret á hjalp@timeed.is og smelltu svo á Staðfesta í Payday.
Við setjum lykilinn inn hjá TimeEd og látum þig vita þegar tengingin er virk.
Farðu með ClientID og ClientSecret eins og lykilorð: sendu þau aðeins á hjalp@timeed.is og geymdu þau ekki á víðavangi.
DK, Uniconta, H-Laun (H3 laun) og Regla
Fyrir þessi kerfi er tengingin sett upp af TimeEd í samvinnu við þig. Sendu póst á hjalp@timeed.is með nafni fyrirtækisins og hvaða bókhaldskerfi þið notið. Við höfum þá samband og göngum frá tengingunni.
Eftir tengingu
- Vörur birtast á verkþáttum (sjá Vörur á verkþætti) og skila sér á reikninga.
- Reikningar geta orðið til sem drög í bókhaldskerfinu í stað þess að sendast beint (rofinn Virkja drög að reikningum í ytri bókhaldskerfum undir Stillingar → Almennt).
- Stimplanir má flytja í launakerfi með rofanum Útflutningur stimplunar (Stillingar → Almennt).