Undir Viðskiptavinir er skrá yfir alla viðskiptavini fyrirtækisins.
Listinn
Hver lína sýnir nafn viðskiptavinar, fjölda tengdra verkefna, tengilið og heimilisfang. Síma- og umslagstáknin hægra megin hringja eða opna tölvupóst á viðskiptavininn beint úr listanum, og þrípunktatáknið opnar fleiri aðgerðir. Leitarreiturinn efst síar listann um leið og þú skrifar.
Að stofna viðskiptavin
- Smelltu á + Stofna nýjan viðskiptavin efst til hægri.
- Skráðu nafn, kennitölu, tengilið, heimilisfang, síma og netfang.
- Vistaðu. Nú er hægt að tengja verkefni og reikninga við viðskiptavininn.
TimeEd er tengt þjóðskrá og fyrirtækjaskrá án aukakostnaðar, svo upplýsingar um fyrirtæki og einstaklinga má fletta upp út frá nafni eða kennitölu í stað þess að slá allt inn handvirkt. Með + Bæta við upplýsingum handvirkt slærðu upplýsingarnar inn sjálfur.
Þegar heimilisfang og póstnúmer eru skráð reiknar kerfið sjálfkrafa GPS-hnit viðskiptavinarins (breiddar- og lengdargráðu) og vistar á viðskiptavinaspjaldinu.
Að opna viðskiptavin
Smelltu á viðskiptavin í listanum til að opna viðskiptavinaspjaldið. Þar eru þrír flipar: Upplýsingar um viðskiptavin með skráðum upplýsingum og tengiliðum, Verkefni sem sýnir verkefni viðskiptavinarins með stöðu, fjölda miða og skráðri vinnu og tíma, og Nýjustu miðar með þeim verkþáttum sem síðast voru uppfærðir.
Tenging við annað í kerfinu
Verkefni eru tengd viðskiptavinum, og þar með rennur skráður tími sjálfkrafa á réttan viðskiptavin í vinnuskýrslum og reikningagerð. Í vinnuskýrslunum má sía og flokka eftir viðskiptavini, og reikningar sækja nafn, kennitölu og tengiliðaupplýsingar úr viðskiptavinaskránni.
Að eyða viðskiptavin
Í viðskiptavinalistanum opnar þrípunktatáknið lengst til hægri valmynd með Breyta viðskiptavin og Eyða viðskiptavin.
Staðfestu í glugganum sem birtist. Gott er að eyða eða loka verkefnum viðskiptavinarins fyrst, og eins og með verkefni og verkþætti verður eyðingin ekki afturkölluð.
