Öryggi gagna
Öll vinnsla persónuupplýsinga í TimeEd fer fram í samræmi við íslensk persónuverndarlög nr. 90/2018 og aðrar viðeigandi reglugerðir. Meðal öryggisráðstafana eru:
- dulkóðun gagna
- öruggir netþjónar
- daglegar öryggisafritanir
Verklag og öryggisráðstafanir fylgja nýjustu stöðlum í upplýsingatækni.
GPS og staðsetningargögn
GPS virkjast aðeins ef notandinn sjálfur samþykkir staðsetningaraðgang í appinu, og staðsetning er eingöngu skráð við upphaf og lok verks eða stimplunar, aldrei á meðan tímaskráning er í gangi. Stjórnendur sjá ekki staðsetningu starfsfólks í rauntíma eða utan vinnu. GPS-upplýsingarnar sjá aðeins notandinn sjálfur og yfirmaður hans, en aðrir starfsmenn sjá hvorki tíma hans né staðsetningar.
Gagnavarsla við starfslok eða uppsögn
Samkvæmt lögum um vinnustaðaskráningu nr. 28/2023 hefur starfsmaður tryggðan aðgang að sínum tímaskráningum í 12 mánuði eftir starfslok eða uppsögn áskriftar. Að þeim tíma liðnum er gögnunum eytt, nema önnur lög, svo sem persónuverndarlög nr. 90/2018 eða bókhaldslög nr. 145/1994, krefjist lengri varðveislu. Gögn eru þá aðeins varðveitt eins lengi og lög krefjast.
Skilmálar og persónuverndarstefna
Notendaskilmálar TimeEd eru á timeed.is/skilmalar og persónuverndarstefnan á timeed.is/personuvernd.